ഇത്രത്തോളം ജയം തന്ന ദൈവത്തിനു സ്തോത്രം

വീണ്ടും ഒരു ജന്മദിനം കാണാന്‍ കൃപ തന്ന എന്റെ ദൈവത്തിനു സ്തോത്രം..ഇത് വരെ കണ്ണിലെ കൃഷ്ണമണി പോലെ പരിപാലിച്ച എന്റെ ദൈവമേ നിനക്ക് നന്ദിയെകാന്‍ എന്റെ ഈ ജീവിതം മതിയാവില്ലല്ലോ..


ഇത്രത്തോളം ജയം തന്ന ദൈവത്തിനു സ്തോത്രം



ഇത്രത്തോളം ജയം തന്ന ദൈവത്തിനു സ്തോത്രം
ഇതുവരെ കരുതിയ രക്ഷകന് സ്തോത്രം
ഇനിയും കൃപ തോന്നി കരുതിടണേ
ഇനിയും നടത്തണെ തിരുഹിതം പോല്‍

നിന്നതല്ല നാം ദൈവം നമ്മെ നിര്‍ത്തിയതാം
നേടിയതല്ല ദൈവമെല്ലാം തന്നതല്ലേ
നടത്തിയ വിധിങ്ങള്‍ ഓര്‍ത്തിടുമ്പോള്‍
നന്ദിയോടെ നാഥന് സ്തുതി പാടിടാം... (ഇത്രത്തോളം)

സാദ്ധ്യതകളോ അസ്തമിച്ച് പോയിടുമ്പോള്‍
സോദരങ്ങളോ അകന്നങ്ങ് മാറിടുമ്പോള്‍
സ്നേഹത്താല്‍ വീണ്ടെടുക്കും യേശുനാഥന്‍
സകലത്തിലും ജയം നല്‍കുമല്ലോ.. (ഇത്രത്തോളം)

അതിരുകളില്ലാത്ത സ്നേഹം

അതിരുകളില്ലാത്ത സ്നേഹം:
ദൈവസ്നേഹം, നിത്യസ്നേഹം
അളവുകളില്ലാത്ത സ്നേഹം:
ദൈവസ്നേഹം, നിത്യസ്നേഹം
ഏതൊരവസ്ഥയിലും,
യാതൊരു വ്യവസ്ഥകളും
ഇല്ലാതെ സ്നേഹിക്കും താതനു നന്ദി


ദൈവത്തെ ഞാന്‍ മറന്നാലും,
ആ സ്നേഹത്തില്‍ നിന്നകന്നാലും,
അനുകമ്പാര്‍ദ്രമാം ഹൃദയമെപ്പൊഴും
എനിയ്ക്കായ് തുടിച്ചിടുന്നു,
എന്നെ ഓമനയായ് കരുതുന്നു


അമ്മയെന്നെ മറന്നാലും,
ഈ ലോകമെന്നെ വെറുത്താലും,
അജഗണങ്ങളെ കാത്തിടുന്നവന്‍
എനിയ്ക്കായ് തിരഞ്ഞിടുന്നു,
എന്നെ ഓമനയായ് കരുതുന്നു